വിവരാവകാശം വെറും വിവരങ്ങള് നേടാന് മാത്രമുള്ളതല്ല. റേഷന്, ഗ്യാസ്, വെള്ളം, കറന്റ്, ആശുപത്രി, യൂണിവേഴ്സിറ്റി, പോലീസ് സ്റ്റേഷന് തുടങ്ങി സെക്രട്ടറിയേറ്റ് വരെ നീണ്ടു കിടക്കുന്ന നൂറുകണക്കിന് സ്ഥാപനങ്ങളില് നിന്നും പരിഹരിക്കപ്പെടേണ്ട പ്രശ്നങ്ങള് സ്വയം പരിഹരിക്കുന്നതിനുള്ള ഏറ്റവും ലളിതമായ മാര്ഗ്ഗം കൂടിയാണ്. ഈ നിയമത്തെ ഫലപ്രദമായി ഉപയോഗിക്കുന്നതിന് സാധാരണക്കാരനെ സഹായിക്കുന്നതിനുള്ളതാണ് ഈ കൂട്ടായ്മ.
* നിങ്ങള്ക്ക് ഏതെങ്കിലും സര്ക്കാര് വകുപ്പുകളുമായി ബന്ധപ്പെട്ട ഏതെങ്കിലും ന്യായമായ പ്രശ്നങ്ങള് പരിഹരിക്കപ്പെടാതെ കിടക്കുന്നുണ്ടോ ?
* കൈക്കൂലി ലഭിക്കാത്തതിന്റെ പേരില് സര്ക്കരുമായി ബന്ധപ്പെട്ടവര് ചെയ്യേണ്ടത് ചെയ്യാതിരിക്കുകയോ, നിയമവും വ്യവസ്ഥയും പറഞ്ഞു ഭീഷണിപ്പെടുത്തി ബുദ്ധിമുട്ടിക്കുകയോ ചെയ്യുന്നുണ്ടോ ?
* നിങ്ങള് സര്ക്കാരിന്റെ ഏതെങ്കിലും ഒരു ഓഫീസിലേക്ക് നല്കിയ ഒരു സങ്കട ഹര്ജിയിലോ നിവേദനത്തിലോ യാതൊരു നടപടിയും സ്വീകരിക്കാതെ കിടക്കുന്നുണ്ടോ ?
* ഏതെങ്കിലും തെറ്റായ നടപടിക്കെതിരേ അല്ലെങ്കില് അതിന് ഉത്തരവാദികളായവര്ക്കെതിരേ പരാതി ചെയ്യേണ്ടിടത്ത് പരാതി നല്കിയിട്ട് ഒരു അനക്കവും ഇല്ലാതിരിക്കുന്നുണ്ടോ ?
* ഏതെങ്കിലും പൊതു സ്ഥാപനങ്ങളിലെ ഉദ്യോഗസ്ഥര് സ്വന്തം ചുമതലകള് നിര്വ്വഹിക്കാത്തതു കൊണ്ട് നിങ്ങള്ക്കോ സമൂഹത്തിനോ എന്തെങ്കിലും ബുദ്ധിമുട്ടുകള് ഉണ്ടാകുന്നുണ്ടോ ?
* നിങ്ങളുടെ നികുതിപ്പണമായ സര്ക്കാര്ഫണ്ട് ധൂര്ത്തടിക്കുന്നതു കണ്ടിട്ട് ഒന്നും ചെയ്യാന് കഴിയാത്ത ഒരു അവസ്ഥ നിങ്ങള്ക്കുണ്ടായിട്ടുണ്ടോ ?
നിങ്ങള്ക്കും ഈ നിയമത്തിന്റെ സഹായം പ്രയോജനപ്പെടുത്താം. കൂടുതല് സഹായത്തിന് ഏറ്റവുമടുത്തുള്ള വിവരാവകാശ കൂട്ടായ്മയുമായോ പ്രവര്ത്തകരുമായോ ബന്ധപ്പെടുക.